حنان ماضى

ناس بحبها اووووووى

حنان ماضى..الكوين..ملكه الاحساس والرقه

من احب الاصوات الى قلبى بجد بعشق حنان ماضى وبعشق صوتها الرومانسى -مش ممكن- ماجاش فى صوتها فى عذوبته فى رقته ياااه نادره بجد

صدقنى ..

أيام الدنيا أحلى .. من أحلام الاغانى ..

فيها الشارع وبيتنا .. والحب الأولانى ..

وفيها اتربى قلبى .. ف حضن الناس حبايبى ..

***

اسمعنى ..

حلوة الأحلام حقيقى .. معلش يا حبيبى ..

لكن ما بين طريقى .. وبينها بر تانى ..

وبحور هايجة وغريقة .. وأنا مانيش جريئة ..

والسكة مخوفانى ..

أيام الدنيا أحلى .. من أحلام الاغانى ..

فيها الشارع وبيتنا .. والحب الأولانى ..

***

افهمنى ..

امبارح كنت جنبى .. ف الغنواية الجميلة ..

قلبك بستان وقلبى .. عصفور ساكن خميلة ..

وصحيت على الحقيقة .. بعد الغنوة الرقيقة ..

لقتنى بعيدة عنك .. والدنيا مسهرانى ..

أيام الدنيا أحلى .. من أحلام الاغانى ..

فيها الشارع وبيتنا .. والحب الأولانى ..

***

كلمنى ..

ايه رأيك يا حبيبى ؟؟.. ولا انت مش معايا ؟؟..

الحلم بدايته رحلة .. لكن ايه النهاية؟؟..

صدقنى الدنيا أجمل .. من حلم يموت ويدبل ..

وحتى يوم ما يصدق .. يصدق مع حد تانى ..http://new.mawaly.com/music/7anan+Mady/track/22027

مش ممكن العذوبه والاحساس والمعانى العميقه بجد حنان ماضى لاينافسها احد فى عمق الاحساس غير الكنج طبعااا

ومش غريب من واحده غنت من كلمات الجبااار احمد فؤاد نجم والشاعر الكبير الانســــــان سيد حجاب والعملاق مجدى نجيب ويلحن لها موسيقار متفرد بموسيقته هو زوجها ياسر عبد الرحمن

نايمة الشوارع والبيوت .. والخطوة بتشق السكوت ..

وحدى وذكرى حب ضاع .. بيطل من شباك قديم ..


***

فاكر يا شباكنا .. لما الهوى شبكنا ..

النظرة تسحرنا .. اللمسة تربكنا ..

اختارنا نعشق ليه ؟؟

واختارنا نبعد ليه؟؟

وازاى سوا بعنا .. اللى اتفقنا عليه ؟؟

تندهلى واندهلك .. لما الحنين بهلك ..

ويضيع ما بينا الصوت ..

نايمة الشوارع والبيوت .. والخطوة بتشق السكوت ..

وحدى وذكرى حب ضاع .. بيطل من شباك قديم ..

***

عارفة ان احلامنا .. تاهت ف ايامنا ..

وحنينى وشعورى .. بقى شيء مالوش معنى ..

ازاى بعدنا سنين .. ومشينا على طريقين ..

وازاى سوا بعنا .. شوقنا ف غمضة عين ؟؟

تندهلى واندهلك .. لما الحنين بهلك ..

ويضيع ما بينا الصوت ..

نايمة الشوارع والبيوت .. والخطوة بتشق السكوت ..

وحدى وذكرى حب ضاع .. بيطل من شباك قديم ..

أه ..

بيطل من شباك قديم ..

http://new.mawaly.com/music/7anan+Mady/track/22036

اغنيه شباك قديم اغنيه توووحفه ومن اروع ماغنت ومن اروع مالحن ياسر وبجد اغنيه فيروزيه من الاغانى اللى تسمعها الف مره فى اليوم ومش ممكن تزهق ابدااا

وممكن اقولها بكل ثقه لو منير هوه الكنج بتاع مصر فى العشرين سنه الاخيره فحنان ماضى هيه الكوين بتاع مصر فى التسعينات

ياغريب

فى الكون يا قلبى
ياللى حاير فى الدروب
كل ما تحزن تخبى
كل ما تعشق تدوب

امتى يملا الدنيا ضيك

والهوا يسكن فى حيك
وتلاقيك جوه القلوب

الليالى تعيشها وحدك
سكتك تمشيها وحدك

خطوتك فى الكون مداها
شكوتك تسمعها وحدك

اه يا قلبى ومين يدلك

مين يكون فى الشمس ضلك

مين يصاحبك فى الغروب

كل مانوصل لمينا

نهتدى ونقول رسينا

الشطوط ترفض لقانا

والبحور تانى تنادينا

اه ياقلبى ومين يضمك

مين يشيل فى الصعب همك

مين يصاحبك فى الغروب

http://new.mawaly.com/music/7anan+Mady/track/22033

من الاغانى الجميله ومن روائعها اغنيه ليله عشق كلمات فؤاد نجم والحان ياسر عبد الرحمن طبعا

فى ليلة عشق واخدانى ..

على شط الهوى التانى ..

قابلت البحر ف عيونك ..

شربت عطشت من تانى ..

هى دى بدايتك معايا ..

شوف بقى قلبى وجنونه ..

***

بشرع العشق ع العشاق وع المجاريح ..

ف بحر عينيك .. فردت قلوعى ويا الريح ..

سهر ليلتها البدر يتوانس معايا ..

وحط صورته جنب صورتى فى المرايا ..

اه ..

وصدقونى ضحكتله ..

ضحك وقاللى وقولتله..

وحكينا أسرار الهوى ..

وازاى نهلى وروحتله ..

وازاى قاسيت .. وازاى تعبت ..

***

ومن ليلتها وقلبى مش طايق حنانه ..

ومن ساعتها وهو مش نايم مكانه ..

سهران ف ذكرى .. أحلى ليلة من زمانه ..

داير يدور ع اللى راحوا وع اللى كانوا ..

اعقل يا قلبى مش كدة ..

يقوللى لأ !!.. هو كدة !!..

وأقوله ايه أخرة كدة ؟؟

يقول أنا مبسوط كدة ..

ما تحاسبونيش ..

مادام عشقت ..

فى ليلة عشق واخدانى ..

على شط الهوى التانى ..

قابلت البحر ف عيونك ..

شربت عطشت من تانى ..

هى دى بدايتك معايا ..

شوف بقى قلبى وجنونه ..

***

http://new.mawaly.com/music/7anan+Mady/track/22032

ناس بحبها اووى

هشام نور..كنج الاغنيه الشبابيه فى التسعينات

هوه دا صوت الشباب والاغانى الهاديه الخفيفه الرقيقه العذبه

مصدقه

ان الفراق بينا ابتدى

خلاص ماعتش فيه لقا

الشمس مايله للغروب

يادوب وهيه مشقشقه

ومصدقــــــــــــــــــــــه

واضم مين يفرح ويبكى فى حضنى

وانتى تضمى مين

حبك فى قلبى مش هتمحيه السنين

مهما افترقنا حبك انتى ليا انا

ومصدقـــــــــــــــــــــه؟؟؟؟؟ http://new.mawaly.com/music/Hisham+Nour/track/25547

كسرالدنيا هشام نور لما غنى مش عارف الاغنيه اللى لما تسمع صوت الساكس فيها لازم تقول واووو وصوت هشام اللى فيه شبه من صوت ايهاب توفيق بس هشام كان بجد صوت جامد جدا وبيختار اغانيه صح وكلماته الخفيفه اللى سهله الحفظ واللى معانيها جميله وفعلا جيل التسعينات دا هوه اللى مؤكل الجيل الجديد دا عيش عشان الناس دى ربطت بين الصوت الجميل بتاع زمان وبين الاغانى الخفيفه بتاع الزمن دا..

توعدينى

بالمطر

وماتطولش غير حبه ندا

توعدينى

بالقمر

وانا وسط ضلمه فى الفضا

توعدينى وتسيبينى

وترجعيلى وانتى عارفه..

ان انا عشان حنينى

قلبى برضواكيد هيصفى..

وابقى حالف انى عمرى

فى يوم مااسامح

وابقى ناوى عمرى مااصفى

وقلبى جارح

وتشوفينى تغلبينى بالمدامع..

توعدينى وقلبى قبل نداكى سامع..

تسكتى ارجع واقولك توعدينى

توعدينى يصدقك شوقى وحنينى!!

صدقينى.. ماتصدقيش

ماكفايه روحى مصدقه

اوعدينى وماتجينيش

انا حبى اكبر من اللقا

فرحى انتى وجرحى انتى

وكل ذنبى انك حبيبتى

لو صدقتى او كدبتى

غصب عنى بحبك انتى

حب عمره ماعدى يوم

على قلب عاشق

حب مااتعودش

يهجر او يفارق

وتشوفينى تغلبينى بالمدامع..

توعدينى وقلبى قبل نداكى سامع..

تسكتى ارجع واقولك توعدينى

توعدينى يصدقك شوقى وحنينى!!

http://new.mawaly.com/music/Hisham+Nour/track/25545

بجد هشام كان صوت رقيق حنين مش نشاذ وارجع واقول ان اللى بيبهرنى بجد هيه اختياره لكلمات بسيطه بس معانيها جامده اوووى وانا بحبله اغانى كتير هاديه زى اغنيه بتبهرينى الاغنيه دى لحنها جميل جداااا بجد هشام كان علامه مضيئه فى تسعينات القرن الماضى

ناس بحبها اوووووى

عماد عبد الحليم..صوت مصرى حزين ودافى

لما يكون مودى هادى ورومانسى وياسلام لو تكون الدنيا بتمطر وانا قاعد جوه البيت عشان البرد مايشوفنيش فييجى يلمسنى وارتعش واتكتك واروح اعملى واحد شاي واجيب حته شيكولاتايه جلاكسى واقعد مربع رجليا وافكر اشغل اغنيه حلوه هاديه ورمانسيه مالقيش غيرك ياعمده صوتك انت اللى يدفى صحيح ويعمل مود جامد...

مع انى عشقى الاول للكنج منير بس فيه ناس كده واخده مساحه فى قلبى وعماد عبد الحليم اللى خطغه الموت بدرى وساب الساحه لناس كلها بجاحه بس يالا الله يرحمك ياعمده الاحساس ... بجد انا مش هتكلم عنك كتير كفايه بس اذكر اغنيه يريد الله يااااه فى كده كلام جميل ..عماد الملاك الحزين اللى مات وهوه لم يكمل عامه 35 !! اللى العندليب الاسمر اداله اسمه ..عماد اللى بكت عليه امه بحرقه شديده لانه مات وترك عضو من اعضاءه فى جسدها..لما اتبرع بكليته ليها وهوه لسه شاب صغير واللى غنالها اعذب اغنيه ممكن الواحد يسمعها مهما خدتنى المدن مش ممكن اسمعك ياعماد وانت بتغنى خلى شويه علياومقولش الله يرحمك ياابن النيل يااسمر...

كلمات اغنيه يريد الله

يريد الله..يريد الله

اسافر اركب الابحار

ولااهتم بالاخطار

واعمل م الامل بحار

يرسينى بعون الله..

يريد الله..يريد الله

اجيبلك كالحبيب اسوار

واخلى عز ليلى نهار

ومهما يعاكس التيار

انا عشمى فى وجه الله..

يريد الله..يريد الله

افوق ندى وند الند

واجيبلك الف عقد وعقد

اجيب اللى ماجابه حد

وايه يمنع كريم الله..

يريد الله..يريد الله

اجيبلك م الدهب خلخال

واغزلك بايدى شال

يلفك فى هلال شوال

يريد ربك..قولى ان شا الله

يريد الله..يريد الله